Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



දමා යනු කෙලෙසද
නිබඳ කට පුරා හිනැහෙන
පණ වුව දෙන්නට කතා කරන
ලොව වටිනාම
මේ බිතු සිතුවම්

පන්තියට ගිය එක දවසක
හිස් වූ සුදු බිත්ති මත
ඇඳී තිබිණ තනිකම
කොහිද මේ බිතු සිතුවම්

මහ මන්දිර වල
මතු මහල් වල
සීත කාමර වල
වසන්ත උයනේ බිත්ති මත
සිටියෝය ඔවුහු
සිනා මල් වට්ටි දෝතින් ම ගෙන

වියළි කටුක බිම
ගඩොල් ද ගැලවුණු
බිත්ති මත
මාගේ සිතුවම අඳින
සිත්තරාගෙන ඇසුවෙමි
මේ දුකට හේතුව

"දුක් කැමති නැත්තේ
හොර හොරෙන් විත්
මගේ අත මිට මෙලෙවුවේ
මං ඔවුන් ගෙන ගොස්
සුගතියේ තැබුවේ"

....

ඉනික්බිති දිනක් මට
ඒ බිතු සිතුවම්
අසලින් යන්නට සිදු විය.

ඔවුහු
වහා බිත්තියෙන් නැමී
මා අත අල්ලා ගත්තෝය
කට පුරා සිනාසුණෝය
පණ වුව දෙන්නට කතා කළෝය.

ගැමුණු පී. දසනායක



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails