Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



සොහොන් කොත් අතර මැද
සෙමෙන් පියවර තබමි
මළවුන්ට රිදෙන්න
සිතක් ඇතියැයි සිතමි

නන්නාඳුනන උනුන්
එකම සමබිම හිඳින
මහ පොළොව සයන කොට
එකට තුරුළුව නිදන

සිව් රියන් පස් යටින්
ආදරේ මුල් දුවන
කවුරුවත් නෑ ඉතින්
එයට බාධා කරන

ඉඳහිටක අර අතන
නමක් නැති ගසක් මත
ආදරේ සඟවගත්
සුදු පාට මල් පිපෙන

පිපී පරවෙන කලට
සොහොන් කොත් මත වැතිර
මුදු සිතින් පෙති සලා
මිහිදන් වෙන්න පතන

සඳ එළිය ඇති රෑට
කවුරුවත් නැති කලට
පෙම්වතුන් ඔවුනොවුන්
සෙමින් මුමුණනු අසන

දිවා කල නෙලාගත්
පිච්ච මල් මිටත් ගෙන
මම මගේ ආදරය
වැළලූ තැනක් සොයන

හැමදාම මේ වගේ
සඳ නොමැති රෑ කලට
සොහොන් කොත'කුදු නොමැති
තැනක එය ඇස ගැසෙන

කාලාන්තරයක්ම
සොයමින් තැනින් තැන
මෙය නොවෙද ඒ පෙම
ළදරු වයසින් මැරුණ

පිච්ච මල් මිට තබා
මොහොතක් බලා හිඳින
කරුණ කිම මේ විලස
එමල් රතු පැහැ ගැනෙන...

කපිල එම්. ගමගේ



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails