Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



කොන්කී‍්‍රට් මහා වනයේ සරණ
නපුරු වෘකයන් පැමිණ
රැගෙන යනතුරු මසට
පහන් කණු සඳ එළිය මගහැර
අඳුර වැඩිපුර ගැවසෙන
නිසොල්මන් පාළු මුල්ලක
මග බලා හිඳී ඔබ...

කුඩා කළ
නන්නාඳුන්නන් සමඟ
කිසිත් නම් නොදොඩන්නැයි
ආදරෙන් කියූ බව ඔබේ මව
අමතකව නැතිමුත් තවම
නාඳුනන වෘකයන් සමඟ
මුදු වදන් තෙපළයි ඔබ

ඇඟ මස සිදුරු කරවන
මේ සා විසල් තියුණු නිය
රාගයෙන් ඇවිළෙන
මේ සා විසල් දෑස් ඇයිදැයි
නො අසාම...
හිඳී ඔබ නිහඬවම
අවනතව උන් බසට
රැගෙන යනතුරු ගොදුරට

මින් පෙර
කොපමණ ගොදුරු ගිල්ලාදැයි නොදත්
විසල් උදර ඇති උන්ට ද
දිරාගිය කෙසඟ සිරුරැති
විසේකාර මහළු වෘකයන්ට ද
ඇඟේ හිරි ඇර ගන්ට දඟළන
හැඩි දැඩි තරුණ උන්ට ද
රිසි විටෙක පැමිණ
මස රස කර බුදින්නට
නො බියව දෙමින් මුළු සිරුරම
හිඳී ඔබ නිහඬවම ...

කොන්කී‍්‍රට් වනයේ
පහන් කණු සඳ එළිය මග හැර
අඳුර වැඩිපුර ගැවසෙන
නිසොල්මන් පාළු මුල්ලක
මග බලාගෙන හිඳී ඔබ
රතු හැට්ටකාරී...

ඉන්දික ගුණවර්ධන



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails