Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



මේ දැනුත් පිටකොටුවෙ - ජෑම්, බෝ, කොට්ටම්බා පැල් තුළ
පිපිරෙමින් ඇති කපුටු බිත්තර
පැටව් එළියට ආවම - උන් අහන පැන වලට
කපුටන්ට කෝ උත්තර?

අම්මා ඉදලත් තුඩින් අරගෙන පාන්දර කූඩුවෙන් ඉගිලෙයි
මල් උයන් - ලොකු මිදුල් - මංපෙත් ඉදල් පහරින් මෙල්ල කර එයි
මොනවා කෙරුවත් නරුම තුරු පත් පුරුදු විදිහට හෙටත් ගිලිහෙයි
අම්මෙ අපිටත් පුංචි මිදුලක් තියෙන තැනකට නොයන්නේ ඇයි?

තාත්තා මල්වත්ත පාරේ සුදු යකඩ මුදු - මාල විකුණයි
කටු ඇනී වණවුණු පියාපත් දවස ගානෙම බඳෙන් ගිලිහෙයි
බලන් ඉද්දිම වගේ හවසට තාත්තගෙ යටි පතුල් ඉදිමෙයි
කහ කුරුල්ලන් - නිල් කොබෙයියන් වගේ අපිටත් ඉන්න බැරි ඇයි?

මේ දැනුත් පිටකොටුවෙ - ජෑම්, බෝ, කොට්ටම්බා පැල් තුළ
පිපිරෙමින් ඇති කපුටු බිත්තර
පැටව් එළියට ආවම - උන් අහන පැන වලට
කපුටන්ට කෝ උත්තර?

Image- Manish Swarup/AP

රුවන් බන්දුජීව



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails