Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



(කවන්ධ රූප යනු යුද්ධ භූමියෙහි මිනිසුන් දහසක් හිස් කපා මැරූ විට නැගිට නටන මළ කඳයි. රූපයෙහි කට ළපැත්ත මැද පිහිටයි. – පුරාණ විශ්වාසයක්)

හදිසියේ පණ ඇවිත්
නොමදිරූ අස්ථි පංජරවලට
වළ දැමූ ඇට සැකිළි
අන්න අවදිව නගන හඬ ඇසේ
කවන්ධ රූපයේ ළපැත්තෙන්………………

හිස් කබල එක තැනෙක
කවන්ධය තව තැනෙක
ගුලිවී තෙරපී එක පොදියට………………
පුරුද්දා ඇන ගසා යකඩින්
වෙන්ව නොයනා ලෙස
එක අරමුණකට- එකට සටන් වැද
එකට මිය ගිය වග තහවුරු කරනට………………

කාබන් කාල නීර්ණ කුමටද
මිනීමරුවෝ යෙහෙන් වැජඹෙත
පස් විසිවසරකි ඇස් පනාපිට
මරා දැමූ මේ අපේ මිනිසුන්ය………………
අයියාය, අක්කාය - අම්මාය, තාත්තාය
නංගීය, මල්ලීය - මාමාය, නැන්දාය
මරා දැමූ ගෙල සිඳ…………………
අන්න අවදිව නගන හඬ ඇසේ
කවන්ධ රූපයේ ළපැත්තෙන්…………

මළ මිනී කඳු ගොඩ ගැසුණේ
හිස වෙනමය - කඳ වෙනමය…………
දස වද දී මරා දැමූ
නූල් පොටක් නොමැති ගතේ
තැලීම්ය-සීරීම්ය අපමණ……………

සිව් රියනක් යට නොව
ගැඹුරු වළක පත්ලේ සැඟවූ
සදාකාලික රහස් රැස……………
පස් විසිවසකට පස්සේ
උන් හිටි හැටියේ මාතලෙන්
අන්න අවදිව නැගෙන හඬ………

හෙන්රි වර්ණකුලසූරිය



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails