Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



එරමුදු මල් පිපෙයි වෙන දා පරිදි ගසේ
ඇතිළිය වළඳ මොර දෙන හඬ කනට ඇසේ
සිහිවන විටත් ඇති වෙයි බර ගතිය හිසේ
සිංහල අවුරුද්ද ගත කළ හැකි ද කෙසේ?

පත්තර කාරයන් දෙන ලාබයට ලියා
වස්තර යාරෙ මීටර් වී ඉහළ ගියා
බත් පොත් ටික අපේ කෑවා කබර ගොයා
ඇත්කඳ ලිහිණි පියඹති තම ගොදුර සොයා

අබ දුරු මල්ලි කුළු බඩු රස බැලු හොද්දේ
ගෙයි නැත ඒව කවුරු ද? ගුවනට විද්දේ
නොනගත ලබන විට සිංහල අවුරුද්දේ
මොනව ද? තබන්නේ ලිප් ගල් තුන මැද්දේ

හිසතෙල් ගාන්නට අවුරුදු නැකතකට
නැතිනම් බැද ගන්න රජයෙන් ලැබුණ ඇට
තෙල් කාලක් ගන්න දෙකකුත් පනහකට
වත්කම තියනව ද ? අසරණ කෙනෙකු හට

හැඹිලිය පෙට්ටගම බැලුවෙමි නැත වාසී
අනුබව කරන්න ද? අපි තණ කොළ පාසී
ගනු දෙනු කරන ලද තඹ පිත්තල කාසී
නො වටින බැවින් ඉවතට කෙරුව ද වීසී?

බත බුලතක් දෙන්න දෙ ගුරුන් ගුරුන් හට
පුළුවන් වේ ද? කොළ කීයක් ගණන් කොට
දිනයක් ඇතත් අවුරුදු හඳ බලන්නට
පෙනෙනව දවල් තරු දැන් සක්වලින් පිට

නැකතට දකුණු පාදය ඉදිරියට තියා
වැඩ අල්ලන්න තිබුණත් යා යුතු ය කියා
කළ වැඩ නිදොස් අය ගේ අලි රැළට ගියා
ඇයි දෙවියනේ ඔබ ඉන්නේ, දෙනෙත පියා

දවසින් දවස තරවෙන (අති පරි සුද්ද)
ජනවරමලා දැන් කො පමණ බර ඇද්ද
බොයිලර් කුකුළු මස් කෑමට ළඟ නැද්ද
ලෙවකමු! ඉතිං අපි සිංහල අවුරුද්ද

(1979 අප්‍රේල් ‘කවිය‘ පුවත් පතේ පළවූවකි)

** පද බෙදීම්, අක්ෂර වින්‍යාස හා විරාම ලක්ෂණ එපද්දෙන්ම ය.
(මේ කව අප වෙත එවූ දමිත් වැලිකල සහෝදරයාට තුති.)


ඩැනී කුලප්පුවාවඩු



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails