Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



ඉතාලෝ කැල්විනෝ ඉපදුණේ කියුබාවේ දී ය. හැදුණේ වැඩුණේ ඉතාලියේ සහ ප්‍රංශයේය. ලෝකයේ විශිෂ්ට නූතන නවකතාකරුවන් අතර ඔහු අද ප්‍රබලයෙකි. කැල්විනෝ නවකථාවක් හොඳින් කියවා අවසන් කරන පාඨකයා "නියම මිනිසෙකි" යන්න ඔහුගේ නවකතාවලින් උද්දාමයට පත්වූ සහෘදයෝ ඔහුට කරන බුහුමනක් ලෙස පවසති.

මේ නවකතාව (If On A Winter’s Night A Traveller) සාමාන්‍ය නවකතාවකින් ඉඳුරාම වෙනස් වූ අපූර්ව නිර්මාණයකි. මෙහිදී ඔබ ද නවකතාවේ චරිතයක් බවට පත්වේ. ඊට අමතරව, කතුවරයා ද, නවකතාවට පිටින් සිටින ලේඛකයෙකුට වඩා, නවකතාවේම චරිතයක් මෙනි. මේ නිසා, නවකතාවෙන් ඉදිරිපත් කෙරෙතියි කියන යථාර්ථය, වඩාත් නිවැරදිව කියතොත්, ඊනියා යථාර්ථය, ඉතා සියුම් ආකාරයෙන්, යටින් හාරා බිඳ දැමෙන බවක්, පාඨකයාට හැෙඟන්නට පුළුවන. විටෙක මේ නවකතාවේ සුක්කානම කතුවරයා අතින් පාඨකයා අතට මාරුවන බවක් ද පෙනුණොත්, කෙනෙකු ඉන් පුදුමයට පත්විය යුතු නැත.

ප්‍රබන්ධයක මූලික ලක්ෂණයක් වනුයේ, ලේඛකයා විසින් පාඨකයාගේ මනෝ ලෝකය ප්‍රතිනිර්මාණය කිරීමකි. එහෙත් ලේඛකයා ද පාඨකයෙකු වන කල, පාඨකයා ද ලේඛකයෙකු වන කල, ඉහත කී සම්භාවිත ලේඛක- පාඨක සම්බන්ධය බිඳී යයි. මෙය, ප්‍රබන්ධකරණය කඩා ඉහිරවීමක් ද? නැත, ඉන් සැබැවින්ම කෙරෙන්නේ, ප්‍රබන්ධකරණයේ මිත්‍යාවත් පෙරළා ප්‍රබන්ධකරණය කිරීමකි. වෙනත් නවකතාකරුවන් අතරේ කැල්විනෝ විශෙෂිත වන එක් මූලික ලක්ෂණයක් වන්නේ එයයි.

ලෝකාවසානය අත ළඟ බව යම් හෙයකින් දැන ගැනීමට ලැබුණොත්, ඒ අවසාන පැය කීපයේ කියැවීම සඳහා තමා ළඟ තබා ගන්නේ, ඉතාලෝ කැල්විනෝගේ නවකතාවක් බව, වරක් සල්මන් රුෂ්ඩි කියා ඇත.
(සිසිරයේ රැයක මඟියෙකු... නම්, ගාමිණී වියන්ගොඩගේ සිංහල පරිවර්තනයේ පෙරවදනින්)

*****

........ ඉතාලෝ කැල්විනෝ ගේ අළුත් නවකතාව, "සිසිරයේ රැයක මඟියෙකු .... නම්" කියැවීමටයි ඔබ දැන් සැරසෙන්නේ. සැහැල්ලු වෙන්න. හිත එකඟ කරගන්න. අනෙක් හැම සිතුවිල්ලක්ම අහක දාන්න. ඔබ අවට ලෝකය පිටමං කරන්න. දොර වැහැවුවොත් වැඩිය හොඳයි: අල්ලපු කාමරේ රූපවාහිනිය කොයි වෙලේත් දැමූ ගමන්. ඒ ගොල්ලන්ට කෙළින්ම කියන්න, "නැහැ, මට ටී. වී. බලන්න ඕනේ නැහැ!". තව පොඩ්ඩක් හයියෙන්- නැත් නං ඒ ගොල්ලන්ට ඇහෙන එකක් නැහැ. "මං කියවනවා! මට බාධා කරන්න එපා!"..........
(-මේ කොටස ප්‍රබන්ධයේ ප්‍රවේශයයි.)

*****

........ අළුතින් ප්‍රකාශයට පත් පොතකින් ඔබ ලබන්නේ විශේෂ සතුටකි. ඔබ රැගෙන යන්නේ පොතක් පමණක් නොව, එහි නව්‍යතාව ද ඔබ රැගෙන යයි. මෙය, කම්හලකින් පිට කෙරුණු හුදු භාණ්ඩයක නැවුම් කම ද විය හැකිය. අළුත් පොත්වල ඇති යව්වන විකසිතය; කවරය පොට්ට පාට වන තෙක්, අගිස්ස්සේ දූවිලි තට්ටු බැඳෙන තෙක්, පුස්තකාලයේ අපර යාමය තුළ වෙළුම දිය වන තෙක් නො නැසී පවතින යොවුන් විකසිතය... නැත, ඔබ කවදත් ප්‍රාර්ථනා කරන්නේ සැබෑ නැවුම් බවය........
(15 පිට)

[-සිසිරයේ රැයක මඟියෙකු... නම් | If On A Winter’s Night A Traveller]
පරිවර්තනය - ගාමිණී වියන්ගොඩ



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails