Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



නොදුන්නද ඇඹුල් වෙරළු
අත මිටට
හා පුරා ආ දාක
උසස් පෙළ පංතියට
ගැටවරකමේ හිතුවක්කාරකම
සොයා දුන්...

දමා හර-බැර කාලයට
සමකොට ශේෂ පත‍්‍රයට
පෝරුවෙදි මගේ අත ගත්
පෙම්වතිය නුඹ...

බිරිඳක්ව බැතිබර
දරුමල්ලන්ගෙ කරදර
හෙට දකින මනහර
හීන ගැනම දොඩවා-
රෑ යහනෙ එහෙම්මම
නින්ද ගිය...

තරහකර නොගෙන
ආනන්දය
ප‍්‍රඥාවෙ තැන
ආලින්දය
දකින අඩු පාඩු ගැන
නොරිස්සුම් පිළිවදන් දුන්නාට
දුක සිතුනදැ’යි
හොරැ’හින් බලන
මගේ පෙම්වතිය
නුඹ....

තැනින් තැන සුදුපාට
වියමන..
වියපත
ගෙදර ආ ඉක්මන
දරුවන්ගෙ දරුවන්ට
ආත්තම්මා උනත්
මගේ පෙම්වතිය-
නුඹට හිමි තැන

සඳ අහසෙ
මළානික දම්පාට
තොටුපොළට
ඔරු නොඒවිද රෑට
රැළි වැටුනු වියපතේ කොළපත
අඩ අඳුරු නෙත සොයයි
ඔය අත..
හැරයටිය අතැ’ර
ගෙන මගෙ අත

සංසාරෙ එහා තොටුපළ
ළඟදි හමුවෙන්න
මටත් රහසින් පැතුව...
උසස් පෙළ පංතියෙදි
ඉඟි කෙරුව
තවම මගෙ පෙම්වතිය
නුඹ..

ජයන්ත නිමල් සිරි



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails