Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



"සංජීව බණ්ඩාරට විශ්ව විද්‍යාල පරිශ්‍රයන්ට ඇතුල්වීම තහනම්."
"සංජීව පුෂ්පකුමාරගේ Flying Fish චිත්‍රපටයට තහනමක්."

ආසන්නතම දිනවල පුවත්පත් හා රුපවාහීනි පුවත් ඉදිරිපත් කරන නළුවන් නාට්‍යානුසාරයෙන් ගෙන ආ ඉහත පුවත් දෙකෙහිම කතා නායකයා නායකයා සංජීව කෙනෙකි. පශ්චාත් යුද ලාංකේය දේශපාලන රේජීමයේ ඍජු බලපෑමට ලක්වු සංජීවලා දෙදෙනා ගැන මතකය ද ප්‍රභාකරන්ගේ උදාන වාක්‍යට අනුව කීප දිනකින් අමතකව යනු ඇත. සංජීව බණ්ඩාර ශිෂ්‍ය දේශපාලනය නිසා රිමාන්ඩ් බන්ධනාගාර ගත වෙද්දී සිනමාකරණයේ නියැලීම මත සංජීව පුෂ්පකුමාරට සීමා පැනවේ.

ද්‍රෝහියා ක්ෂණයෙන් වීරයකු වන, වීරයා සැනින් ද්‍රෝහියෙකු වන, ශ්‍රී ලාංකේය සන්දර්භය තුල ගොදුරු බවට පත් වූ සංජීවලා දෙදෙනා ඉදිරියට කුමක් කරාවිදැයි බලාපොරොත්තු විය නොහැක. එහෙත් මෙම නිශ්චිත මොහොතේ ඔවුන් ස්වකීය අස්ථානයන් මගින් නිද්‍රාශිලී ලාංකේය තරුණයාට කිසියම් සාධනීය උත්තේජනයක් සැපයීමට වෙර දැරීම අගය කල යුතුය. සංජීවලා දෙදෙනා අතර සමානත්වයක් දකිමින් සිටි මා හට තවත් සංජීව කෙනෙක් මතකයට නැගුණි. ඔහු නමින් සංජීව එදිරිමාන්න ය. ස්වාධීන රුපවාහිනියේ නිවේදකයෙකු ලෙස හදුන්වන සංජීව එදිරිමාන්න මට අනුව දේශපාලඥයෙකි. දේශපාලකයන් සහභාගී වන සාකච්ඡා මෙහෙයවන සංජීව එදිරිමාන් දේශපාලකයා පරයා ස්වකීය රාජ පාක්ෂික භූමිකාව මොනවට ගෙන හැර පායි. හත් වැනි පැය නමින් උදැසන හතට ලොන්ඩරිය (laundry) අරබන සංජීව දවස අවසන් කරන්නේ ඇතුලාන්තය වැඩසටහනෙන් ලොන්ඩරිය වසා දමමිනි.

මෙම සංජීවලා තිදෙනා වත්මන් ලාංකේය සමාජය හඳුනාගැනීමෙහිලා මනරම් උදාහරණ ත්‍රිත්වයකි. සංජීව බණ්ඩාර ඇතුළු අන්තරයේ සහයෝගයෙන් ජපුර සිසුන් නුගේගොඩ පැවැත්වූ උද්ඝෝෂණය නිසා මෙරට ජාතික ආර්ථිකයට වූ පාඩුව මෙතෙක් ගණනය කර නොමැති බව ද එමගින් කොටස් වෙළඳපොළ කටයුතු පවා අඩාල වූ බව ද පසු දින දිනමිණ පුවත්පත වාර්තා කොට තිබුණි. සංජීව පුෂ්පකුමාරගේ Flying Fish සිනමාපටය ඩයස්පෝරාවේ කුමන්ත්‍රණයක් බව ස්වාධීන රූපවාහිනිය දේශප්‍රේමයෙන් ඔදවත්ව ප්‍රකාශ කළේය.

විදුලි වර්ජනය, කම්කරු අරගල අසාර්ථක වීමේ රහස සංජීවලා තිදෙනා හරහා හඳුනාගත හැකිය. සංජීවලා දෙදෙනෙකුගේ උඩුගං බලා ගමන තවත් සංජීව කෙනෙක් මගින් දියාරු කර දැමීම අපට කියාපාන්නේ වර්තමාන සමාජ අරගලයන්ට අත්ව ඇති ඉරණමයි.

ඔබත් සංජීව කෙනෙක්ද?
ඔබ කුමන ප්‍රවර්ගයේ සංජීව කෙනෙක්දැයි තීරණය කිරීම ඔබටම බාරය.

ක්‍රිෂාන් සිරිවර්ධන



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails