Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



රතුපස්වල පස් රතු විණි
සතියක් තුළ රත බොඳ විණි
කොඳු ඇටවල දිය වැඩි විණි
චෙක් පත්වල ලේ සැඟවිණි

මැරුව පුතුන් සොහොනෙ තියා
මරුගෙ දෙපා ළඟට ගියා
ෆොටොත් ගත්ත ළඟින් තියා
පත්තරවල ඒව ගියා

පුතුන් නිදන පොළොව පලා
පියැවුණු ඇස් පුදුම වෙලා
සුසුම් තුනක් ඉවත හෙළා
ලක්ෂ දෙකට හිලව් කළා

කතරක මිරිඟුව සැපයකි
තිබහට උණු ලේ රසයකි
විකුණන විකිණෙන ලෝකෙක
මළ පුතු වුව දිව ඔසුවකි

රතුපස්වල පස් රතු විණි
සතියක් තුළ රත බොඳ විණි
කොඳු ඇටවල දිය වැඩි විණි
චෙක් පත්වල ලේ සැඟවිණි


(අජිත් පැරකුම්ගේ කවියක සේයාව මත ලියූ කවකි.)

විමල් කැටිපෙආරච්චි



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails