Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



අයිසැක් බර්ග්මන් සොහොන් කොත අසල වාඩී වී සිටියේය. ඔහුගේ දරුවන් දෙදෙනා ස්වල්ප දුරක් එපිටින් සිටියහ. ඔවුන් සියළු දෙනාම තම තමන්ගේ සිතුවිලි වල නිමග්නව සිටියෝය.

බර්ග්මන් සිය දරුවන් පිළිබඳ සිතමින් සිටියේය. "මෙම බියකරු සිහිනය අවසන් වීද? එසේ නැතහොත් මෙය ආරම්භයක්ද? ඔහුට කුමක් සිදුවේවිද? දරුවන්ට කුමක් සිදුවනු ඇතිද?"

වෙන කුමක් සිදුවුවත් ඔවුන්ට මේ නට්සි මිනීමරුවන්ගෙන් තොර ලෝකයක ජීවත් වීමට අවස්ථාව තිබිය යුතුය. තම ආගම කුමක් වුවත්, තම පාරම්පරික උරුමයන් කුමක් වුවත් ඒ අනුව පුද්ගලයන් තක්සේරු නොකරන ලෝකයක ජීවත් වීමට ඔවුන්ට ඉඩ තිබිය යුතුය. උපදින දරුවන්ට ලෝකයේ තැනක් ලබා දෙන්නේ දෙමාපියන්ය. ඔහුට නමක්ද, භාෂාවක් ද දී කළ නොකළ යුතු දෑ පිළිබඳව කියා දෙනු ලැබේ. ජීවිතයේ ඔහුට ආදාළ වන සියළු දෙයින්ම භාගයක්ම ඔහුට ලැබෙන්න උපත නමැති හදිසියේ සිදුවන සංසිද්ධියෙනි.

සියළුම දරුවන් නිර්දෝෂි අයවලුන්ය. ඊට හේතුව ඔවුන් මෙම ලෝකයට පැමිණ ඇත්තේ සිය කැමැත්තෙන් නොවීමය. ඔවුන්ගෙන් කවරෙකුවත් තමා ජර්මන් වරයෙකු, යුදෙව්වකු, කතෝලිකයකු හෝ ඉංග්‍රීසි ජාතිකයෙකු වශයෙන් උපත ලැබීමට ඉල්වා නැත. ඔවුන් මේ ලෝකයට උපත ලැබූ මුත් ඒ පිළිබඳව තීරණ ගැනීමට ඔවුන්ට අවස්ථාවක් නොලැබේ.

නමුත් අශුභවාදියකු වීම මම ප්‍රතික්ෂේප කරමි. මා මිය යාමට ඉඩ තිබිණි. නමුත් එසේ සිදුවී නැත. මෙම අත්දැකීම් නාස්ති විය යුතු නැත. ඔහු ඔහුටම පොරොන්දු විය. මම ජීවත් වුණොත් මළවුන්ගෙන් නැගිට ගත් ලාසරස් කෙනෙකු වෙමි. ජීවත් වන දවසක් පාසා දෙවියන්ගෙන් ලද තුටු පඬුරක් සේ සලකමි. ඒ සමගම මෙම ජීවිතයෙන් සතියක්, දිනයක් හෝ මිනිත්තුවක්වත් නාස්ති වීමට ඉඩ නොහරිමි.

නට්සිවරුන්ගේ උමතුවට විරුද්ධවන සටනේ මෙම අවධිය එහි ආරම්භය පමණි. එය අඳුරු රාත්‍රියේ ඇසෙන කෙඳිරිලි හඬක් පමණි. පියවි ඇසට නොපෙනෙන මාදිලියේ පුංචි ගිනි සිළුවකි. නමුත් මේ ගිනි සිළුව ජීවමානය. එය දැල්වෙමින් පවතී. එය ක්‍රමයෙන් වැඩිවී ලැව් ගින්නක් දක්වා ව්‍යාප්ත වනු ඇත. එය ගමන් කරන මග දිගේ හමුවන සෑම දෙයක්ම දවා හළු කරනු ඇත. ඔවුන්ගේ සම් මස් ඇට නහර දවමින් ආත්මයන් ද වාෂ්ප කර හරිනු ඇත. "ඔබ කල ක්‍රියාවලිය යම් සේද ඔබටද ඒ අයුරින්ම ප්‍රතික්‍රියා ලැබෙනු ඇත" යනුවෙන් හිලෙල් කියා ඇත. එය ඒ අයුරින් සිදුවනු ඇත.

ඔහු පෘතුගාලයට යාම සඳහා අවශ්‍ය කටයුතු කරනු ඇත. එතැනින් එංගලන්තයට හෝ ඇමරිකාවට හෝ කැනඩාවට යාමට හැකිවනු ඇත. මෙම රටවල ඇති විශ්වවිද්‍යාලවල තමාගේ මිතුරන් බොහෝ දෙනෙක් සිටියහ. ඔවුන්ගේ උපකාරය ඇතිව තමා නට්සීන්ට එරෙහි දැඩි ව්‍යාපාරයක් අරඹනු ඇත. එය තම ජීවිතයේ එකම අභිලාෂය සහ පරමාර්ථය වනු ඇත. ඔහුගේ සෙසු අපේක්ෂාවන් සියල්ලම මියගොස් ඇත. කඳු බෑවුමක මිය ගිය තම බිරිඳ මෙන් ඒවාද සියල්ල මියගොස් ඇත.



[-Bruce Nicolaysen විසින් රචිත Perilous Passage නවකතාවේ සිංහල පරිවර්තනය- මරණයේ මංපෙත කෘතියෙන්. Perilous Passage පාදක කරගෙන 1979 වසරේදී ලී තොම්සන් විසින් "The Passage" නමින් චිත්‍රපටයක් නිපදවන ලදී.]

බෲස් නිකල්සන්
පරිවර්තනය - ආනන්ද එස්. ලෙවන්ගම



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails