Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



මම දේශපාලනඥයෙක් නෙවෙයි. මම මගේ ජීවිතයේ කිසිදාක ඡන්දය දීලා නෑ. කවදාවත් දෙන්නෙත් නෑ.- කිසිදාක. චිම්පන්චින් දෙදෙනෙක් අතරින් එකෙකු තේරීමේ අර්ථයක් තිබේද? ඔවුන් වෙනස් පැහැති කොඩි ඔසවාගෙන සිටිනවාටද? ඔවුන්ට වෙනස් ලාංඡන සහ කොඩි ‍තිබෙන නිසාද? චිම්පන්චින් කියන්නේ චිම්පන්චින්ට.....

ඇඩොල්ෆ් හිට්ලර් තමන්ගේ ස්වයං චරිතාපදානේ ලියල තියෙනවා 'ඔබට සතුරන් නොමැති නම්, ඔබට මහා නායකයෙක් වෙන්න බැහැ. ඔබට සතුරන් නැතත්, ඔබේ රට අනතුරක යන ව්‍යාජය ගොඩනගන්න, මොකද මිනිස්සු බියට පත් වුණාම ඔවුන් කැමතියි වහලුන් බවට පත් වෙන්න. මිනිස්සු බියට පත් වුණාම ඔවුන් සූදානම් දේශපාලඥයින් අනුගමනය කරන්න...' ඔහු සිහිය විකෘති වූ උම්මත්තකයෙක් වුණත් ඉඳ හිට ඔහු කළ ප්‍රකාශ වැදගත් වුණා. ඔහු කියා තිබෙනවා 'මනුෂ්‍ය වර්ගයාගේ ශ්‍රේෂ්ඨතම නායකයන් උපදින්නේ යුද්ධ සමයේය.' ඉතින් එතැන මහා යුද්ධයක් නැති නම් ඔබට බැහැ මහා නායකයෙක් වෙන්නට. හුදෙක් මහා නායකයෙකු වීමේ ආශාව සපුරා ගන්න ඔබ ජනයා මිලියනයක් මරා දමනවා.....

දේශපාලකයෝ හැම අතින්ම රටක් බියට පත් කර තබා ගන්න සෑම උත්සහයක්ම දරනවා...... ඔබ තුළ බිය වැඩි කරන තරමට ඔවුන් බලගතු වෙනවා. රටින් පිටත් ඔවුන් ව්‍යාජයන් නිර්මාණය කරමින් යනවා. රට ඇතුළත ඔවුනුත් එයම කරමින් යනවා. මොහොම්මද්දිකයන් සහ හින්දුන් අතර කැරලි කෝලාහල, හිංදි කතාකරන ජනයා හා හිංදි නො වන භාෂා කතා කරන ජනතාව අතර, ගැටුම් මොනවට හරි කමක් නැහැ. ඔබ සටන්වල කල කෝලාහලවල නිරතව සිටින්න ඕන. ඔබ සටන් කිරීමක නිරතව සිටිනවා නම් ඔවුන් බලයට එනවා. ඔබ සටන් නතර කළ හොත් ඔවුන්ගේ බලය අතුරුදහන් වෙනවා. මේක ඉතාම කැත අශෝභන ක්‍රියාවක්.....

මහත්මා ගාන්ධි කියන්න පුරුදුව හිටියා‍ නිදහසට පෙර ප්‍රථම ඉන්දීය ජනාධිපතිධූරය හොබවන්නේ ගැහැනියක් කියලා. ගැහැනිය පමණක් නෙවෙයි ඇය ශුද්‍ර කුලයට අයත් තැනැත්තියක් වන බවත් කීවා - පහත් කුලයට අයත් ස්පර්ශ නො කරන. එහෙත් නිදහස පැමිණීමත් සමගම ඔහු සියලු පොරොන්දු අමතක කළා, නැවත වතාවක් බල ක්‍රීඩාව පැරණි පුරුදු ආකාරයට ආරම්භ වීමත් සමගම. පණ්ඩිත් ජවාහල් නේරු බ්‍රහ්මණයෙක්. ඔහු ගැහැනියක් නො වෙයි. ඔහු ශුද්‍රයෙකුත් නො වෙයි. නැවතත් බ්‍රහ්මණයෝ බලයට පත් වුණා. වසර හතලිහක් එකම බ්‍රහ්මණ පවුලක් ඉන්දියාවේ ආධිපත්‍යයේ සිටියා. ඔවුන් ඉන්දියාව තමන්ගේ පුද්ගලික බූදලයක් තත්ත්වයටම පත්කළා. එය තවදුරටත් ප්‍රජාතන්ත්‍රයක් වුණේ නැහැ. හුදෙක් කරුණු දිහා බලන්න. ඉන්දියානු ජනතාව මත මහත්මා ගාන්ධිගේ ආකර්ෂණය කුමක්ද? ඔහු ආගමික පුද්ගලයෙකු ලෙස රඟපෑවා. ඔහු ආගමික මිනිහෙක් වුණේ නෑ. හින්දු - හින්දු සාන්තුවරයෙක් ලෙස පෙනී සිටියා. මොකද හින්දුන් තමයි රටේ බහුතරය වුණේ. ඔවුන් තමයි රට පාලනය කරන් යන්නේ.

ආචර්යය ඇම්බෙට්කාර්ට ඕනෑ වුණා ස්පර්ශ නො කළ යුතු ප්‍රජාව සඳහා වෙනම ඡන්දයක් තියන්න. මමත් ඔහු සමග පූර්ණ එකඟත්වයේ සිටියේ. සරලම හේතුව තමයි වසර දහස් ගණනාවක් තිස්සේ මේ ජනයා පීඩනයටත් සූරාකෑමටත් බඳුන්ව සිටියා. මනුෂ්‍යයන් ලෙස වූ ඔවුන්ගේ ආත්ම අභිමානය විනාශ කරලා තිබුණා. ඒ වගේම ඔවුන් ඉන්දීය හින්දු ජනගහනයෙන් හතරෙන් එකක්. ඔවුන්ට තිබුණේ කැතම රැකියාවන්........එවිට ඔවුන්ට විශ්වාසයක් ඇතිවෙනවා හතරෙන් එකක් සාමාජිකයෝ පාර්ලිමේන්තුවේ සිටියි කියලා. එහෙම නො වන්න වුන්ට කවමදාකවත් පාර්ලිමේන්තු නියෝජනයක් ලබා ගන්න හැකිවෙන්නේ නෑ..... එහෙත් ගාන්ධි මාරාන්තික උපවාසයක් ආරම්භ කළා ඇම්බෙට්කාර්ට ඔහුගේ ව්‍යාපාරය අතහැර දමන්න කියලා. එහෙම නොවන්න ඔහු මරණය දක්වා උපවාසයේ යෙදෙනවා. දැන් මේක සම්පූර්ණයෙන්ම තාර්කිකයි. ඔබ මිනිස්සුන්ට ඒත්තු ගැන්වූවා, එකඟ කර ගත්තා, උපවාස කිරීමෙන් එයින් අදහස් වෙන්නේ නෑ ඔබ නිවැරදියි කියලා. ඒක කප්පං ගැනීමක්. ඒක තර්ජනය කිරීමක්. 'මම සියදිවි තොරකර ගන්නවා ඔබ මා සමග එකඟ වෙන්නේ නැත්තම්.'

.....සංවිධිත ආගම් දේශපාලනයේ තවත් ආකාරයක්. මම හැමදාමත් දේශපාලනය හෙලා දැක්කා. මිනිස් වර්ගයාගේ පහත්ම කටයුත්තක් හැටියට - සංවිධිත ආගම් ගැනත් මගේ ආකල්පය ඊට සමානයි. ඔබට ඒක දකින්න පුළුවන්. පැවිද්දා පූජකයා සහ දේශපාලකයා හැමතිස්සෙම මිනිස් වර්ගයාට එරෙහි කුමන්ත්‍රණයක. ඔවුන් එකින් එකාට සහයෝගය දෙනවා. ඔවුන් තමන් අතර දේවල් බෙදා ගෙන, ඉතින් ඔබේ ලෞකික ජීවිතය දේශපාලනඥයාගේ. ඔහු තමයි එතැන පාලකයා. ඔබේ අභ්‍යන්තර ජීවිතය අයත්කරගෙන සිටින්නේ පූජකයා. ඔහු තමයි එතැන පාලකයා.

....ඔය සියලු දීමනාවන් පූජක සාක්කුවටයි යන්නේ. ඔවුන් දෙවියන් ගැන දන්නේ නැහැ. එහෙත් බොහෝම උගත්. ඔවුන්ට ධර්ම ග්‍රන්ථ ප්‍රචාරය කරන්න පුළුවන් ගිරව් වගේ කට පාඩමෙන්. එහෙත් ඔවුන්ගේ ඇතුළාන්ත අභිලාසයන් දෙවියන් සඳහා සත්‍ය සඳහා වන්නක් නොවෙයි. ඔවුන් සොයන්නෝ-seekers- නොවෙයි. ඔවුන් සූරාකන්නෝ....

[-පූජකයෝ සහ දේශපාලකයෝ, ආධ්‍යාත්මික මාෆියාව - ඕෂෝ]
පරිවර්තනය - ජෝ සෙනෙවිරත්න



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails