Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



මැදපෙරදිග ඒකාධිපති පාලකයින්ට එරෙහිව පැන නැගුණු ජනඅරගල රැල්ල මෙන්ම ඊජිප්තුවේ ඒකා‍ධිපති හොස්නි මුබාරක්ට එරෙහිව ටාහීර් චතුරස්‍රයෙන් පැන නැගුණු නොනවතින උද්ඝෝෂන ද විදේශ ප්‍රවෘත්ති පිළිබද යම් අවධානයකින් සිටි සියල්ලන්ගේම දැඩි අවධානයට ලක්වූවා. තාරුණ්‍යය, නව තාක්ෂණය, කාන්තාව, නොපසුබස්නා උත්සාහය, අන්තර්ජාලය, සමාජ ජාල වෙබ් අඩවි ගැන කියවුණු මේ කාලයේදී ලෝකයේ අවධානයට ලක්වූ සුවිශේෂි තරුණයෙකු පිළිබඳව ඔබට තවම මතක ඇති.

ඔහු වේල් ගෝනීම් !

එදා 2011 පෙබරවාරි 07 වන දා ඔහු ඩ්‍රීම් ටී.වී. නාලිකාවෙහි පෙනී සිටියේ රටේ අනාගතය ගැන සිහින දකිමින්....

"....මම වීරයෙක් නොවෙමි. මා කලේ පරිගණකයේ යතුරු පුවරුව පාවිච්චි කිරීම පමණයි. සත්‍ය වී‍රයෝ නම් සත්‍ය අරගලය පණ පෙවූ අයයි.... මගේ බිරිඳ ඇමරිකානුවෙක්. මට ඇමරිකානු ‍පුරවැසිකම ඉල්ලන්න පුළුවන්. නැහැ, මම පුරවැසි ලොතරැයියට දැම්මෙත් නැහැ. බොහෝ අයට පිටුවහල් වී යන්නට අවශ්‍යයි. අපි ඊජිප්තුවේ ගරුත්වය නැවත නගා සිටුවිය යුතුයි. දූෂණය කෙලවර කළ යුතුයි. සොරකම් නැවැත්විය යුතුයි. ඊජිප්තු ජාතිකයෝ හොඳ මිනිස්සු. අපි සුන්දර මිනිස්සු. කාරුණිකව, මේ එදිරිවාදිකම් පිරිමහගන්න කාලය නොවෙයි, මේ ‍අපේ රට ගොඩනැගීමේ කාලයයි..."

[සම්පූර්ණ අදහස් දැක්වීම සඳහා බලන්න : මම වීරයෙක් නොවෙමි.-වේල් ගෝනීම්]

2011 වසරේ ටයිම් සඟරාව තේරූ ලෝකයේ බලපෑම් සහගතම මිනිසුන් සිය දෙනා අතරට ද ඔහු අයත් වුණා. තමන්ගේ සුප්‍රසිද්ධ 'We Are All Khaled Said' මූණු පොත් පිටුව මගින් ජන අරගලය අවුළුවාලූ තිස් තුන් හැවිරිදි ගෝනීම්, හොස්නි මුබාරක් එළවාදමා ගොඩ නගන ලද අලුත් ඊජිප්තුවේ ජීවත් වීමට වරම් ලැබූවේ නැහැ. ඔහු එක්සත් අරාබි එමීර් රාජ්‍යයේ පිටුවහල්ව ජීවත් වෙනවා. එය යම් ආකාරයක දේශපාලනික සරදමක් බඳු වන අතරම ඊජිප්තුව දිනා ගත් නිදහසේ සැබෑ ස්වරූපය පිළිබිඹු කරන්නක් ලෙස ද පෙනී යනවා.

මුබාරක් බලයෙන් පහකෙරුණු අති දැවැන්ත උද්ඝෝෂණ වලින් පසුව, වසර තුනක් ඉකම ගිය තැන දී වත් ඊජිප්තුව දේශපාලනික ස්ථාවරත්වයක් අත්කරගෙන නැහැ. ඡන්ද විමසීමෙන් ජයගත් මුස්ලිම් සහෝදරත්වයේ මොහමඩ් මොර්සි ජනාධිපතිවරයාව පසුගිය කාලයේදී බලයෙන් පහකෙරුණේ තවත් උද්ඝෝෂණ රැල්ලක් සහ හමුදා අතපෙවීමක් සහිතව. ඉන් අනතුරුව මුස්ලිම් ජාතිකත්වය නියෝජනය කරන 'මුස්ලිම් සහෝදරත්වය' නියෝජනය කළ පිරිස් මෙන්ම අනාගමික දේශපාලනය වෙනුවෙන් පෙනී සිටි දැවැන්ත පිරිසක් රාජ්‍ය අත්අඩංගුවට පත්වෙනවා. පිටුවහල්ව සිටින ගෝනිම් අයත් ‍වන්නේ එලෙස පාලක උදහසට ලක්වූ අනාගමික දේශපාලනයක් උදෙසා පෙනී සිටින කණ්ඩායමටයි. මේ සියළු දෙනා 2011දී මුබාරක් පළවාහැරීමේ සටන් වල ඉදරිපෙළ ක්‍රියාකාරීන්. ඒ අතර අල්ජසීරා සේවයේ මාධ්‍යවේදීන් තිදෙනෙකු ද සිටිනවා.

මොහමඩ් හෂෙම් නැමැති 2011 වසරේ ප්‍රමුඛ ක්‍රියාධරයෙකු මෙන්ම ඊජිප්තුවේ ප්‍රධාන ප්‍රකාශන ආයතන ප්‍රධානියෙකු හට රටින් පිටවීමට සිදුවූයේ ඔහු විසින් ගාඩියන් පුවත්පතට ලබාදුන් ප්‍රකාශයක් හේතුවෙන්.

එය මෙසේයි.
"විප්ලවය සිදුවූයේ අතිමහත් වූ සිහිනයක් වෙනුවෙන්, එහෙත් දැන්නම් තිබෙන්නේ එය නොවේ..!"







මේ පුවත ගැන තවත් කියවන්න-
I'm no traitor, says Wael Ghonim as Egypt regime targets secular activists

සුමුදු තිවංක ගමගේ



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails