Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



දසත සරා ගුවන් ගැබ
විසල් වූ අත්තටු යටින්
තුටු සිතින් තෙපලමින්
සිනාසුණු හඬ ඇසෙයි,
මහ සයුරු පත්ලෙන්...

නෙක වර්ණ පැහැ දැරූ
සමට හිමිකම් කියූ
සැවොම මනුසත්කුලේ
සිනාසුණු හඬ ඇසෙයි,
මහ සයුරු පත්ලෙන්...

ඇකයේ ම හොවාගෙන
කිරි කෙරූ ලේ පෙවූ
බිළිඳු පුතු තුරුල්ලේ,
සිනාසුණු හඬ ඇසෙයි
මහ සයුරු පත්ලෙන්...

ජීවිතය කියාදුන්
මව්වරුන්,පියවරුන්
දු පුතුන් හිස අතගගා,
සිනාසුණු හඬ ඇසෙයි
මහ සයුරු පත්ලෙන්...

එක කුසක ඉපදෙමින්
එක පියොර උරා බිව්
සහෝදර බැමි පවුර
සිනාසුණු හඬ ඇසෙයි,
මහ සයුරු පත්ලෙන්...

කප්පරක් හීනයන් තුරුල් කොට
එනතුරා මග බලා උන්
ආදරේ අනෙක් පස
සිනාසුණු හඬ ඇසෙයි,
මහ සයුරු පත්ලෙන්...

ඉගිළ නො පෙනී ගිය අහස්කුස දෙස
බලා උන් නෙත් අගට
කදුළු පමණක් උරුම කළ නුඹ,
සිනාසුණු හඬ ඇසෙයි
මහ සයුරු පත්ලෙන්...

ලෝකයක් බලා උන්
කළ සියලු පැතුම් මල්
එක්වරම දවාලු
රුදු පියාසැරිය නුඹ,
සිනාසුණු හඬ ඇසෙයි
මහ සයුරු පත්ලෙන්...

දසුන් මධුසංඛ



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails