Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



රාම සීතා යුගල පද බං
ආදරේදැයි සැකයි මට දැන්
ඉහළ මාලෙක සීතා රඳවා
රාමා යනවා දඩයමේ දැන්

මොණරෙ නැගගෙන හිමාලෙට උඩ
සරණ අතරෙදි දැක්කෙ ඔය රුව
හොරෙන් ගත්තේ මගේ හදවත
සීතා නුඹ මට දුන්නේ නෑ එය
හිමාලෙක බර දැනෙයි ඉඳහිට

උඩින් යන මොණරයක් අකලට
මොටද සීතා නුඹව නො ගෙනෙන
නග්ග ගත්තම රියට හෙමිහිට
හොරකමක් යයි හිතුනෙ නෑ මට

හිතට හිත දුර වැඩි ම හින්දා
සලුවකට අත තිබ්බෙ නෑ මං
දොළොස් හිසකට නුවණ පල කළ
හිත් දෙකක් මට තිබුනෙ නෑ බං

සීතා උඹ ගිනි ගොඩක දැම්මලු
කැඩුනා බිඳුනද යමක් ඇහුවලු
බමුණෝ වටකර ප්‍රශ්න ඇහුවලු
අම්මා එහෙමත් සැකෙන් බැලුවලු

සීතා කියපන් මේක උඹ මට
පතිවතක් ගැන හිරිඔතප් ගැන
මමත් ඇහුවද මෙහෙට ආ විට
ආදරේදැයි හෙමින් ඇහුවම
බිම බලාගෙන ඇඬුවා ඉකිබිඳ

හෂාන් බඹරබොටුව



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails