Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



-ගිලෙන කොරියානු සෙවොල් නෞකාව තුළ තවමත් බේරා ගත නො හැකි වූ සිසු දරුවන් ඇතුළු 250 දෙනෙක් ; මිය ගිය සංඛ්‍යාව 50 ක්

ඔබ ඔතැන අඳුර තුළ
ඇස් පියා ගෙන ඇති
හිතක් නැති සයුරට
දුක දැනෙන්නැතුවැති

තවත් එක් නිමේෂයකට
හුස්ම ගන්නට
ඔබට දී මේ හුස්ම
මියෙන්නට හැකිය මට

බලා හිඳ බලා හිඳ
ඔබ නො එන
නිශ්චලම හෝරාව කෙළවර
මම අසමි...
ප්‍රේමයක උරුමය මගහැරෙන
ජීවිතය කඳුළක් ද මග හැළෙන?

දවසකට හැකි වුණත්
සිතිජයෙන් ගිළිහෙන්න
මුහුදකට පුළුවන්ද
ස්නේහයක් සඟවන්න
ළය හොවා දුක් දරා
මුතු මිණක් සේ තැනුව
දරුවෙකුට පුළුවන්ද
රළක් සේ බැස යන්න?

නැව්බඳක වැදි වැදී සඳ බිඳෙයි
රළු මුහුද දෑස තුළ රළ නඟයි

ඒ අඳුරු ගැඹරේ
ඔබ හුස්ම සොයන’යුරු දැනි දැනී
හුස්ම ගන්නද මම ‍කොහොම
හුස්ම නො ගෙනම හිඳිම්

සාගරේ තරම්
පෙම් කළ බවක් නො කියමී
ආදරේ තරම
කරදියෙන් මනින්නට බෑ දරුවනී

20-04-2014

Photo Credit: Reuters

මාලතී කල්පනා ඇම්බ්‍රෝස්



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails