Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



-උඩුකය නිරුවත් නාරි රූ සහිත සඟරාවක් ළඟ තබාගෙන හසු වූ සිසුන් දෙදෙනෙකු පාසලෙන් දොට්ට දමයි. මේ එතැන් සිට;

ලොකු සර්...
කමක් නෑ එළෙව්වට
පාසැලෙන්

ඉඩ දෙන්න යුරේසියන් කෙල්ලන්ට
අපිත් එක්කම යන්න
උන් ඇත්තෙ අපට හරි ආදරෙන්

සත්තං ඕං!
අපි නෙවෙයි වැරදිකාරයෝ
මා ඔයේ වම් ඉවුරබඩ
ආං ඉන්නව තාම
වසංගත ලෙඩකාරයා
(වෙන කවුරුවත් නෙවෙයි
අපේ සිංහල සර්)

සැලළිහිණියේ අඟනුන්ට
පණ නොදුන්නා නම්
අප්සරා වල් ගැහැණු ගැන
ගල් ගැහෙන කවි නොකීවා නම්
නෑ මේ වගේ නිංගිරාවක්
එහෙම නම් අපිත් අද හොඳින්

පුළුලුකුල - රිය සක වන්
තැඹිලි රත ගත්- තිසර තන්
ඔන්න ඕවයි සර්
අපිට දරන්නට බැරුව ගිය තැන්

සිරා සහ මා ගාව
හිටිය උන් බෝ තුටින්
අතින් අත ගියේ නම්
අපේ වරදින්

ලොට තනැති කෙල්ලෙකුගෙ
ඇහැ නොගැටුනා නම්
උස් ළැමත් දරාගෙන
අදත් උන් ඉන්නවා හොඳින්....

පසු සටහන

පිස්සෙක් වගේ
කාලය දුවා ඇත හැල්මේ
වෙච්ච අපරාදේ
පව්! කෙල්ලො දුක් විඳිනවා
ලොකු සර් තුරුලේ

ලෙඩකාරයා නිදැල්ලේ
වසංගත කවි උණ බෝ කරනවා
සිතු සේ....
සිරා මා බැහැදකින අතරේ
ගිලෙනව සිනා සයුරේ
අර අතීතය ඇසුරේ

“සෙල්ලමක් නෙවෙයි
අපේ ජීවිත අනතුරේ
ඔයාටත් බෝ වෙලා කවි ලෙඩේ
අපි සදහටම අඳුරේ”
ඇඟවුම බිරිඳගේ

සේරටම මුල
වසංගත ලෙඩ කාරයගෙ භජනේ
මදැයි කරගත්ත අපරාදේ!

-යන්නං චන්දරේ (2014)

ඩී. එම්. ටීම්රාන් කීර්ති



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails