Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



රන් වන් සූරිය විකිරණ
අලෙව් දෙමින් සිනා නඟන
සේසත් ඉහළට ඔසවන
ආඩම්බර ජපන් ජබර

ඉබාගාතයේ ඇවිදින
ගෝකුර වැද බිඳුණ නියර
ඇළ මං අවුරා පල්වුණ
හිරිකිත මංගල දියවර

කෘමිනාශක බී මියගිය
රිදී මසුන් උඩුබැලි විණ
මහලු කණ කොකුන් සුදු හැඳ
අවමගුලට එන අරුමය

ඉරී වැරහැලිව එල්ලෙන
පරඬැල් ඉසලා වෙව්ලන
දෙණිකඩ අද්දර අසරණ
වඳ පීදුණු රඹ තුරුපෙළ

කිරි වැදෙනා සිහින යාය
විකා දමන කීඩෑ දත
අගුළු වැටේවි ද බිය වැද
බුරා පැමිණියත් ණය බර

ගෙලේ මාල දී උකසට
බොල් කරලේ ණය ගෙවන්න
පියෑඹී ද සිදාදියට
කෙසඟ තරුණ ගිරා රෑන

නොගැයූ නැළවිලි ගී පද
ඉපනැලි ළමැදේ හොවාන
පුතු ආ ගිය අත නොම දැන
නිදන මහලු මවකි කුඹුර

[සල්ගහ යට |1996]

රත්න ශ්‍රී විජේසිංහ



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails