Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



පෙනෙන නොපෙනෙන දුරින්
ඒත් හොඳටම ළඟින්
ඔබ වටා නීල පවුරක් බඳිමි.
දිවා කල හිරු දියර
පෙරා සිහිලැල් කරන
වළාකැටියෙන් රිදී තිර අදිමි.

පළොල් පැහැ කොපුල් පෙති
විසිර යන හිත නිවයි.
තනුක කර රුහිරු බිඳු
වළා මත ඉහිරවමි.
ඔබේ පැහැයම ගැවසි
සැඳෑ ස්වප්නෙක ගිලෙමි.

සහස් ගව් දුර පැතිරි
සිහිලැල් වු සුවඳක් ය.
බිළිඳු හසරැලි තරම්
ඒ සුවඳ පිවිතුරු ය.
නෙත් පියා ගැඹුරටම කිමිදෙමි.
මත් බවින් මෙන් සිත් රැහැන් බිඳ
රත් දෙතොල් සිපගනිමි.

ළා සඳේ දාරයක්
පිණි දියෙන් දියකරන්
ශ්‍යාම කැන්වසය මත තරු අඳිමි.
සිහින් වැහි පොදක් ඉස
දූලි සුනු පිසහරිමි.

"ආදරෙද මට?" නො අසමි.
ආදරේ බැව් නොකියමි.
විසල් අහසක් හදවත'වු කල
වදන්වල ක්ෂුද්‍ර බව නැවත නැවතත් අත් දකිමි.

යශෝධා සම්මානි ප්‍රේමරත්න



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails