Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



ඈත පල්ලියෙ පාස්කුව දා - දෙවියන්ට තුති කියනු ඇසුණා
මෑත දොරකඩ අයෙක් දැවටී - නෝනා නෝනා කියනු ඇසුණා
"නැද්ද නෝනා බබාලාගේ - ගවුම් පොඩි හෙම අහක දමනා
අලුත් ගවුමක් දෙකක් ඉල්ලන - දියණියන් දෙදෙනෙකුම සිටිනා"

ඇයට දෙන්නට ගවුම් කොහිදැයි - මට බබාලා නොමැති බැවිනා
මා සතුව තිබු එකම සීයක් - ඇගේ අත ගෙන මිට මෙලෙව්වා
ඒ අතින් ඈ ඇගේ පපුවේ - දිගට හරහට කුරුසෙ ඇන්දා
ජේසු පිහිටයි කියාගෙන මට - තවත් ගෙයකට පිය එසෙව්වා

පල්ලියේ යාතිකා අවසන - තියෙන මිනිසුන් පාටි දැම්මා
වයින් නැති උන් පාන් නැති උන් - ජේසු නාමෙන් හිගා කෑවා
මම මගේ ඉරිදාව හින්දා - ගෙදර මිදුලේ වල් ගැලෙව්වා
මිදුලෙ තුත්තිරි මගේ ගවුමේ - ඇලී ගැලෙමින් මුකුලු කෙරුවා

පාලුවට ගිය පල්ලි මුදුනත - රෑට රෑ වී තරුව දිලුණා
ඒ තරුව යට දෑත් විහිදා - පිළිමයක් වී ජේසු හිටියා
නගරෙ තැන් තැන් විදුලි බුබුලින් - අලංකාරව තිබෙනු දුටුවා
එදා ඉරිදා මගේ ඉරිදා - පුරුදු විදියට ඔහේ ගෙවුණා

සුරේඛා සමරසේන



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails