Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers

Boondi Online - Find me on Bloggers.com



"උඹට ආත්මගතව තියෙන සේරම කට්ට සූත්තර ඒකරාශී කර ගන්න වෙයි. එතකොටයි හිර ගෙදර බිත්ති ඇතුළෙත් සේරම දරාගෙන ඉන්ඩ උඹට තිබුණු ශක්තිය වාගෙම මහ බලගතු පහරක් එල්ල කරන්න ලැබෙන්නේ. මේ ඉන්නේ පුරුෂයෙක්නෙ-මාළුවෙක් වගේ පීනන්න, උකුස්සෙක් වාගේ පියාඹන්න, මීයෙක් වාගේ බිත්තියක් දිගේ නගින්න, මුණිස්සමක් වාගේ දොරවල් හිල් කරන්න ශිල්ප දන්න පුරුෂයෙක් නේ!

අරූ ඉස්සර වෙලාම උඹව දැක්කම කොහොම බලයි ද? උගේ ඇස් උඹේ ඇස් එක්ක මුණ ගැහෙන එක කොහොම වෙයි ද? ඉලිෂ් උඹට අමතක වුනාද මගේ කකුල් අතර බල්ලෙක් වාගේ දැවටිච්ච හැටි? තොට තොගේ කකුල් දෙකෙන් හිට ගන්න ඉගැන්නුවේ, සිගරට් කොටෙත් ඉල්ලන පුලන්නකුගෙන් මිනිහෙක්ව හදලා ගත්තෙ මමනෙ. එහෙම නේද කාරාණා සිද්ධ වුණේ? ඉලිෂ් උඹට ආන්න ඒක මතක නැති වුණා. එහෙම වෙච්චි එකම එක්කෙනා උඹ විතරක් නෙවෙයි. ඒකිටත් අමතක වුණා. අර කුණු ගොඩෙන්, පණු කැදැල්ලෙන්, පාවාදීමෙන්, පරදාර සේවනයෙන් මතු වෙච්චි ඒ ගෑනිටත් අමතක වුණා.

මේ සේරම අන්ධකාරෙ මැද සානා උඹේ මූණ විතරයි හිනාවක් ගෙනාවේ‍. අපි මුණ ගැහුණම උඹ ඉදිරියෙ මගේ තත්ත්වෙ මොකද්ද කියල මට දැන ගත්තෑකි. තව ටිකකින් මිනිස්සු විනෝදෙන් ඉන්න පුරුදු වෙලා තියෙන මේ පටු ආරුක්කු වීදි පහු කරගෙන මං මේ පාර දිගේ කෙළවරට ම ගිහින් තියේවි‍. ඉහළටයි පහළටයි යාවි.‍ නමුත් ඒක කීර්තියට පත්වෙන්න යන ගමනක් නෙවෙයි. දිවුරලා කියන්නං මං තොපි ඔක්කොටම වෛර කරනවා."

සියලු තැබෑරුම් වසා කුමන්ත්‍රණ උපදින අතුරු වීදි පමණක් විවෘතව තිබිණ.

-නො‍බෙල් සම්මාන ලාභී ඊජිප්තු ජාතික ලේඛක නගීබ් මහ්ෆූස්ගේ හොරා සහ බල්ලෝ

නගීබ් මහ්ෆූස්
පරිවර්තනය - සුනේත්‍රා රාජකරුණානායක

මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails
lankeeya sithuwili
සිංහල බ්ලොග් කියවනය